AZAD QARADƏRƏLİ ŞAİR, ARAŞDIRMAÇI FƏRİD HÜSEYNİN BİR YAZISININ YAZDIRDIĞI SƏTİRLƏR Fərid Hüseynin Eldar Baxışın “Gecənin bir aləmi” şeiri haqqında qeydlərini oxuyub, xeyli təəccübləndim. Bu təhlildən çox şairin şairlə güləşməsinə - söz güləşinə bənzəyirdi. Təbii, Eldar çox cüssəli idi, təbii Eldar enlikürək idi, təbii Eldarın arxası hələm-hələm yer görməzdi... Düşündüm ki, Fərid niyə belə edib? Cavabım bir qədər fərqli yozula bilər: Fərid Eldarın söz sehrindən çıxmaq istəyib. Qorxub, üşənib Eldardan. Axundov Füzulini necə tənqid etmişdisə, Cabbarlı Cavidə necə ilişmişdisə, Tolstoy Şekspirə necə ağız büzmüşdüsə, Fərid də Eldara elə ilişmək istəyib... Eldarın ÜRƏKlə NƏFsi dəyişik saldığını düşünür və deyir ki, insanı hansısa qadının dalınca ürək yox nəfs çəkir... Ay Fərid, ay qağa, Eldarın şeirindəki qadın “hansısa qadın deyildi axı”! Dost...
