Azad Qaradərəli "ŞƏHƏRCİK" romanından parça
AZAD QARADƏRƏLİ
("ŞƏHƏRCİK" ROMANINDAN PARÇA)
QAÇQIN YATAQXANASINDA
Maşını
Təhsil Nazirliyinin yaxınlğındakı tikintisi yarımçıq qalmış binanın qabağında
saxladı. Bura düz on altı il əvvəl gəlmişdi. Qohumlarının bir çoxu qaçqın düşəndən
sonra küçələrdə qalmışdı. Onları yerləşdirən, qarşılarına çıxan kimsə yox idi.
Kim harada gəldi, necə gəldi məskunlaşırdı. Bu işdə qaçqınların Bakıda nisbətən
babat vəzifədə olan yerliləri, qohumları köməklik göstərirdilər. Ağaquluyev
onda idarə rəisi idi. Ona yaxın tikinti idarəsini birləşdirib trest, daha sonra
isə birlik yaratmışdılar. Onun pulunu balta kəsmirdi. Bakıda Rəsul Quliyevdən
sonra ən pullu adam sayılırdı. Amma o qazandığının yarıdan çoxunu orduya silah
almağa, daha sonra əlsiz-ayaqsıza, lap axırda da qaçqınlara xərcləyirdi.
Qaçqınlar
dəstəsi gəlməyə başlayanda o maşınlarıyla, fəhlələriylə, puluyla onların
pişvazına çıxdı. Amma tezliklə məlum oldu ki, onlara puldan çox, başlarını təpməyə
koma lazımdır. Və o kişi kimi düşdü qabağa, harda boş bina, yataqxana, məktəb,
bağça varsa, hamısının qapılarını sındırtdı, yurdsuz-yuvasızlar doldular içəri. Amma burda iş yaman ləng
gedirdi. Ağdam, Füzuli, Laçın, Kəlbəcər, Cəbrayıl... əşşi, o qədərdi ki,
dağılmışlar, sayıb qurtara bilmirəm, xüləs, onların qohumlarının rayonu lap
axırda işğal olunmuşdu. (Bu mənim qeydim
deyil haa, məni günahlandırmayın, bu yeri o oğraş professor yazıb - əsl müəllif)
Qırılmışlar vaxtında çıxıb gəlmədilər ki! İndi bütün yerlər tutulub...
Nəysə, kişi eşitdi ki, bəs Təhsil Nazirliyinin yanındakı həmən o
yarımçıq bina boşdur. Amma bina kooperativ olduğundan bura o biri rayonların
qaçqınları yaxın düşə bilməmişdilər. Onda indiki kimi yaşlanmamışdı, lap öküzü
quyruqlayıb yıxan vaxtlarıydı. Ona görə şefləriylə razılaşdırdıqdan sonra özü
öz maşınında gəldi binanın qabağına. Qoçularına göz elədi, binanın mühavizəçilərini
bircə anda döyüb qovdular. Qaçqınlar da hərəsi bir ağac götürüb kooperativ
sahiblərini tökdülər çölə. Onda kəndlərindəki Mənzər arvad yeridi onun
qabağına, qəhərli-qəhərli bir ağı dedi, bir ağı dedi, kişinin damarlarında qanı
dondu.
-
Dədəm oğlu, Mənzər xalan gözua qurban, soruşmursan yurdumuz necı talan oldu, o
namərdin qabağnda irayonumz , kəndimiz qolubağlı qalan oldu, bu qanı-qadanı
ordan bura müzüyün tökə-tökə ağı deyən Mənzər xalan oldu... heeeeyyyyyy! A dədə qurban, a nənəm qurban, canımız saa
asdağa olsun, heyyyy!
Arvadlar yer-yerdən ona səs verdilər:
-
Heyyyyyyy!
Arvadın səsində bir hüzn, bir kədər vardı ki, diri-diri adamı öldürərdi.
Rayonda varlıların yasında onu ağıçı aparardılar, ağı deyib hamını ağladardı.
Ağaquluyev hələ uşaq olanda onun qəhərli-qəhəri ağlamağını eşitmişdi. Və bu
qadının səsi ürəyində qalmışdı.
İndi
maşını bu binanın qabağında saxlayıb elə ilk qarşısına çıxandan Mənzər arvadı
soruşdu. Uşaq qaçıb harasa getdi və bir az sonra qayıdıb gəldi:
-Dayı,
Mənzər nənə indi talkuşkadadı, orda nəvəsinin toçkası var axı... Gələndə nə
deyim?
-Gələndə
deyərsən ki, Xanqulu müəllim gəlmişdi, dedi ki, bu nömrəyə zəng eləsin, ona deyəcəklərim
var.
Ürəyində
isə bunu dedi: “Qoy gəlib məni elə diri-diri ağlasın.”
***
-Dayı, nə təhər demisən, elə də eləmişəm. Meyit sink tabutda idi. Açmağa
icazə vermirdilər. Xəlil kişi arvadıyla birgə cumdular çastdan gələnlərin üstünə.
Arada mənə də bir-iki şillə-təpik dəydi. Tabutu açdılar... üç dənə ağ kubik
daşlarını əskər şinelinə büküb qoymuşdular tabutun içinə... Vallah, bilsəydim
belə olacağını, qoymazdım açalar.
Gözlərinin
ağına qan gəlmiş Xanquluyev çəkdiyi siqaretin kötüyünü - dünəndən başlamışdı çəkməyə
- külqabına basıb dedi:
-Bəs
Aydının meyiti bunların nəyinə lazımdı
axı?
Nizami çiyinlərini çəkdi. O həm qorxmuş, həm də son dərəcə kədərli halda
Nizaminin tez-tez çırpan kipriklərinə baxdı və güclə eşidiləcək səslə dedi:
-Bacım
neyniyir?
Nizami
hüzn içində dedi:
-Səsi
hələ də qulaqlarımdad. Axırıncı sözləri lap dəhşət idi:
“Kərəm
yiyəsi, kərəm yiyəsi, heç sənin kərəminə şükür olmasın!”
Yorumlar
Yorum Gönder