AZAD QARADƏRƏLİ LƏTİFİN LƏTİFLİYİ VƏ SƏRTLİYİ
AZAD
QARADƏRƏLİ
LƏTİFİN
LƏTİFLİYİ VƏ SƏRTLİYİ
Tarixin
qəribə işləkləri var. İşə bax ki, dünənəcən səni çap etməkdən imtina edən rayon
qəzetinə bir gün redaktor müavini təyin olunursan. Və bu təyinat yuxarıdan –
birinci katib səviyyəsində olduğundan səni Oranın adamı hesab edirlər. Səslərini
çıxarda bilməsələr də, altdan-altdan
narazılıqları sezirəm. Amma tezliklə hər şey aydın olur. Coşquyla
başlayan hərəkat dalğası bir coşqun çay kimi selintiləri üzə çıxardır və kimin kim
olduğu bilinir. Məlum olur ki, mən Oranın adamı deyil, elə Buranın adamıymışam.
Bunu ilk etiraf edənlərdən biri sonradan aramızda möhkəm dostluq bağı yaranan gənc
jurnalist Lətif Babayev olur...
Lətif
və digər iş yoldaşlarımızla aramızda gözəgörünməz tellə mübhəm bir yaxınlıq
yaranıq. Qəzetin ab-havasını dəyişirik. Yerlərdən aldığımız maraqlı məktubları
istinasız çap edirik. “Çinar” adlı ədəbi birlik yaradırıq və raykom şairlərini
deyil, gəncləri bu birliyin ətrafına cəlb edirk. Hərdən bizim rayona gələn şair
dostum Eldar Baxış bizim birliyin fəxri sədri, mən isə sədri oluram. Bizə ilk dəstək
verənlərdən biri elə Lətif olur. Bədii yazılara meyli az olsa da (o, əsl
jurnalist kimi peşəsinə xəyanət etmədən bu gün də müxbirlik etikasına sədaqətini
qoruyub saxlayır), bizlərə münasibəti birmənalıdır.
Lətifin
toyunda masabəyi oluram. Onun dostları ilə mən də dostlaşıram. Aramızda müəyyən
yaş fərqi olsa da, bu, dostluğumuza mane olmur. Və tezliklə böyük əzmlə start
götürən xalq hərəkatına, müstəqillik savaşımıza ikimiz də qoşuluruq və
jurnalistin Vətənin azadlığı uğrunda həm qələmi ilə, həm də lazım gəlsə ürəyi
ilə vuruşmalı olduğunu sübut edirik...
Tezliklə
20 Yanvar faciəsi baş verir. Lətif onu gözləyən təhlükədən yayınmaq üçün Bakıya
– “Vətən səsi” qəzetinə işə düzələrək rayonu tərk edir. Məni isə işğalçı
rus-sovet ordusu əleyhinə yazılar yazdığıma görə işdən azad edirlər. Buna görə
müəllimliyimə qayıdıram...
Lətiflə
görüşümüz Bakıda da davam edir. Zəngləşirik, görüşürük, dərdləşirik,
yaradıcılıq mübadiləsi edirik. Lətif sonralar harada işlədisə, yenə jurnalist
kimi çalışdı. Bu gün də belədir.
Mənim
kitab təqdimatlarımda, uşaqlarımızın xeyir işlərində, hətta rayonlarda bulaq
üstündə görüşlərimiz olub. Bir-birimizə kitablarımızı vermişik, fikir mübadiləsi
etmişik, sevimli ana yurdumuz Zəngilanın azad olunmasını birgə qutlamışıq...
İndi
yaşımızın bu çağında Zəngilana dönmək, o yurdun övladı olduğumuzu o dağların, o
çayların qulağına pıçıldamaq istəyirik. Və orada uçurulmuş evlərimizi yenidən
tikmək, qurmaq və o evlərdə xatirələrimizi yazmaq istəyirik...
Lətif
yumşaq, həlim, mülayim deməkdir. Amma dostumun sərt üzünü bu yurdun düşmənləri
bir dəfə doxsanlarda görmüşdü. Bəli, biz lazım olanda kifayət qədər sərt olmağı
da bacarırıq. Düşmənə göztəriləsi sərt üzümüz də var.
Dost
üçün isə lətifik...
(Azad Qaradərəli "Renessans həsrəti" 3-cü kitab)
Yorumlar
Yorum Gönder