VƏFA NAĞI NƏ İSTƏYİR?
AZAD QARADƏRƏLİ
VƏFA NAĞI NƏ İSTƏYİR?
Ədəbi
replika
Vəfa
Nağını siz tanıyırsınızmı?
Mən də təzə tanımışam. Əslində, onu tanımaqda gecikmişəm. Yəni, gərək Vəfanın
prototipi olası gənc qadını mən yazılarımda təxəyyül məhsulu kimi yaradanda
düşünəydim ki, əsl Vəfa meydana çıxa bilər - onda mən çətinlik çəkmədən həyatdakı Vəfa
ilə təxəyyülümdəkini birləşdirib yeni
bir bədii obraz ortaya qoyaydım. Təəssüf
ki, mənim təxəyyülümdəki Vəfalar Vəfa Nağının kölgəsində qaldılar və mən
anladım ki, hekayə və romanlarımın qəhrəmanları olası qadın obrazlarında dəyişiklik
etməliyəm.
Bəli, Vəfa bir əyalətə - Neftçalanın Xolqaraqaşlı kəndinə İstanbulda təhsil
aldığı yerdən bir işıq gətirmişdi. O, kənddə ilk dəfə qadınlarçün iş yerləri
yaratmışdı.
Sonra
Vəfa seçkilərə qatıldı və bir feodal-patriarxal kəndində seçki saxtakarlarını
yenməyi bacardı!
Xolqaraqaşlının
bələdiyyə üzvü olmaqla məsələ bitmir axı. Vəfa sədrdən maliyyə hesabatı istəyəndə
xiyar əyri bitdi. O kəndin bələdiyyə sədrinin adı tarix kitabının heç bir
yerində müsbət adam kimi qalmayacaq bu heç, amma sədr heç olmasa pis adam kimi tarixdə qalmağa
üstünlük verdi. Və ən alçaq üsula əl atdı: Vəfanın çimərlik geyimindəki şəkillərini
kəndin küçələrinə vurdurmağa başıadı!..
(Bu hal cinayət məcəlləsində qanun pozuntusu kimi təsbit
olunub məncə! Daha yaxşısın hüquqşünaslar bilər)
Bu
gün Vəfa buna etiraz əlaməti olaraq Bakıda tək canı ilə aksiya keçirdi və
saxlanıldı...
Vəfa
nə istəyir axı?
Əgər
ölkəmizdə həqiqətən islahat keçirmək istəyirlərsə, Vəfa islahat istəyir. Yəni,
o bələdiyyə sədrinin əməlləri yoxlanılmalı və lazım gələrsə, maliyyə hesabatı tələb
olunmalıdır. Və çox güman ki, bu, başqa məmurlar kimi onun da həbsi ilə nəticələnəcək.
Belə.
Vəfa çox şey istəmir ki... Vəfa əhdə vəfa istəyir. Vəfa sədaqət, düzlük və haqq
istəyir. Siz haqqı son dəfə harda görmüsünüz? Bax, görəndə deyin ki, Vəfa onu
görmək istəyir...
Biz
qələm adamları Vəfaya dəstək olmalıyıq.
Vəfa
indi sadəcə dəstək istəyir...
19.06.2020
Yorumlar
Yorum Gönder