Adil Yılmaz (Ankara) UÇMAK YARALAR QANADIN UCLARIN
Adil Yılmaz
(Ankara)
UÇMAK
YARALAR QANADIN UCLARIN
Azad Qaradərəlinin “Petrol
tarlaları”* romanını oxuyarkən
uçmaq hardan gəldi ağlına,
xəyallarım qanadlarımdır, Azad.
qollarım əski bir zaman qövmü – indi buzlamış,
bir dağı aşar kimiyəm
nədən xizək sürməzlər burda
nədən əyilib pıçıldayır qulağıma külək
yalnız ölü ruhlara aid burası!
sən gəl də çöz sirrini bu işin;
xortlamasına əngəl deyil donması,
bir təhdidin altındayam, evə də dönməliyəm,
şaman, haydı çöz bu sirri,
din dəyişdirmədən öncə
üç kəz düşünmək nədir
nə olacaq mənim bu halım?
səkkiz milyon olduğunu söyləyirlər vacib
shintonun* sirli varlıqları kəsmədən yolumu
dönməliyəm evimə,
qəti söz verdim özümə, Azad,
bir dua tapdım,
“lehinə danışmağa ölümsüz varlığın,
dünyanın qaranlığında”,
gəl, sən də amin de.
bilirəm, çökələkçi** qız gözləyir yolumun üstündə
incir ağacı günəşini sərmiş,
çarxını quracaq bir azdan ,
siddhartha*** “yıxılacaq evimin dirəyi”,
bir ilgəyin içində düyüdə boğulacam, Azad!
yaşamım Himalayın ətəkləri olacaq,
“Həqiqətin xəzinəsi”
yuyacaq bəlkə Asiyanın üzünü,
Şirilanka harada, Azad,
tövbəyə gəlmiş qulları üçün Gamsız Aşoka,
harda Küt dağı, ya Çin, ya Vyetnam uzaq deyil artıq
səndən...
uçmalıydınmı, Azad?
Çevirdi Türkan Vəliyeva
----------------------------------------------------------
*Yazıçının “Kuma-Manıç çökəkliyi” romanı İstanbulda bu adla çap
olunub.
*shinto – yaponlarda əski din
**çökələk – ağartıdan hazırlanan məhsul, bizim kəsmik kimi bir şey.
***buddizmin yaradıcısı Buddanın gerçək adlarından biri. H.Hessenin
bu adda bir romanı da var. (çevirmənin qeydləri)
Yorumlar
Yorum Gönder