50 İLİN XATİRİ ÜÇÜN GÖRÜŞ

 

  

                              50 İLİN XATİRİ ÜÇÜN GÖRÜŞ

 

 

            Düz 50 il əvvəl əski Lenin adına APİ-nin – indiki Pedoqoji Universitetin ana dili və ədəbiyyat fakültəsinin 82-ci qrupunu bitirmiş biz tələbələr bir yerə toplaşdıq bu günlərdə. 50 ilin xatiri üçün. Könül xoşluğu, qəlb rahatlığı qazanmaq üçün.

            Şəhidlər Xiyabanından başladıq görüşə. Həm ümumən şəhidlərimizi, həm də 82-ci qrupun şəhidi Sabir Əhmədovun məzarını ziyarət etmək üçün. 

Qan qırmızı göz yaşıyla ağlayan qərənfilləri düzdük məzarlara.

            1918-ci ildə Azərbaycanı və Bakını rus-erməni təcavüzündən qoruyan Türk Şəhidlər Alleyyasını da ziyarət etdik.

            Sonra lap uşaqlar kimi funiklyora da mindik.

 

            Bu da sahil bulvarı. Biz tələbələrə sinəsini açan, bizi bağrına basan Xəzərin sahilləri...

 

            Sonra maşınlara əyləşib Cıdır düzü restoranına yollandıq. Orada bizi daha bir dəstə tələbə yoldaşımız gözləyirdi. Sevinc göz yaşları, qucaqlaşmalar, sevinmələr. Nələr, nələr...

 

            Uzun hekayə...

 

            Qətibə Cahandarovanın pəmbə saşları... 

            Ləzgi qızı Zoyanın gözəl gözləri...

            “Qafqaz əsiri”ndəki Ninanın – Aidanın elə 50 il qabaqkı kimi maddım-maddım danışığı...

            Dağlar qızı Rənanın qızı ilə görüşümüzə gəlməyi...

            Hələ onun şagirdi olmuş ədəbiyyat sevdalısı Pərvanənin pərvanəyə dönməsi... 

            Ş.Şəfiqənin elmi mühazirəsi...

            Və Elmiranın mənə ləzzət edən yeni müraciəti: “Əfəndi...”

            Kərbalayı Nəbi... Kərimbəyli Azad... Seyid İsmayıl... Ağüdili Talıb... Və Qaradərəli Azad...

            Gəlmək imkanı olmayan dostlarımız Gəncəvi, P. Şəfiqə, Ələmdar... Diləfruz... A.Ofelya... Zamirə...

            Tapa bilmədiyimiz Mükafat, İ.Ofelya...

            Və dünyasını dəyişən Nəhayət, Eyvaz, Xalidə...

             Ruhları şad olsun!

            ...

            50 illiyimiz qutlu olsun, dostlar!

            Yeni görüşlərədək!